መሰቀል ፍላወር መንገድ፤ ሴንትራል ማተሚያ ቤት ሕንጻ – አዋሽ ባንክ ፊለ ፊት፤ ‹‹እንሰት ባህላዊ ምግብ ቤት›› ይገኛል፡፡ የአቶ በቀለ ነጋሽ ምግብ ቤት ነው፡፡

ከ 31 ዓመታት ስደት፤ በአሜሪካ ቆይተው የከፈቷት፤ ሌት ተቀን የሚታትሩባት  ምግብ ቤት ነች፡፡

አቶ በቀለ ነጋሽ በምግብ ቤታቸው ውስጥ በኪነ ጥበቡ እንዲሁም በስፖርት ዘርፍ ለአገር እና ለሕዝብ የሰሩ ጅግኖችን ምስል በግድግዳቸው በክብር ሰቅለዋል፡፡  – በዚህ ሥራቸው አደንቃቸዋለሁ፤ አከብራችኋለሁ

ምግብ ቤቷ በየጊዜው እድሳት አያጣትም፡፡ ምሳ እየበሉ የሕንጻ ሠራተኞች፤ ‹‹ቁርቋሮ›› አይለያትም፡፡

ይህ ለተመጋቢ ምቾት አይሰጥም፡፡ ይሁንና ጣት የሚያስቆረጥም ምግብ ጆሮ የሚጠልዘው ቁርቋሮን ያስረሳዎታል፡፡

በእንሰት ባህላዊ ምግብ ቤት ሰዎች ተመግበው፤ ሂሳብ ከፍለው ቶሎ አይወጡም፡፡

‹‹ምግብ ቤቷን … እንዲህ ብትሰሩ … እንዲያ ብታረጉ … እንዲህ ብትጨምሩ እንዲያ ብትቀንሱ›› የሚሉ አስተያየቶች ይሰጣሉ፡፡

ከመስተንግዶ በላይ እነዚህ አስተያየቶች ማስተናገድ ሠራተኞቹንም ሆነ ባለቤቱን አሰልችቷቸዋል፤ አድክሟቸዋል፡፡

እናም ወደ እንሰት ምግብ ቤት ሲዘልቁ ይህቺ ማስታወቂያ ‹‹እንኳን ደህና መጡ!›› ብላ ትቀበሎታለች፡፡

ምግብ ተመግበው፤ ሒሳብ ከፍለው ውልቅ ይበሉ እንጂ ከዚህ ባለፈ ስለምግቡ፣ ስለመስተንግዶ አስተያየት መስጠት ይችላሉ።

ስለምግብ ቤቷ ማውራት ከጀመሩ አስተናጋጆቹ በእጃቸው በግድግዳ ላይ በብቸኝነት የተለጠፈችውን ማስታወቂያ እንዲያነቡ በአክብሮትና በፈገግታ ይጋብዝዎታል፡፡

• ምክር በገንዘብ ካልተደገፈ መቀበል አቁመናል – ድርጅቱ!
Like, Comment, Share. Lots of thanks.

LEAVE A REPLY

Please enter your comment!
Please enter your name here