በአዲስ አበባ ከተማ አስተዳደር ስር ከሚገኙ የመንግስት ትምህርት ቤቶች ውስጥ 8ቱ በአፋን ኦሮሞ 2800 ተማሪዎችን ተቀብለው በማስተማር ላይ መሆናቸው ተገለፀ፡፡

በቅርቡ በመዲናችን በአፍ መፍቻ ቋንቋ ትምህርት እንዲሰጥ መንግስት በወሰነው መሰረት ትምህርት ቤቶቹ በ2011 ዓ.ም የትምህርት ዘመን ተማሪዎችን መዝግበው በማስተማር ላይ መሆናቸውን ትምህርት ቢሮ አስታውቋል፡፡

ተማሪዎች በአፍ መፍቻ ቋንቋቸው እንዲማሩ መደረጉ ተገቢ መሆኑን የገለጹት ተማሪዎችና መምህራን እንደ መጻሕፍትና የመማሪያ ክፍሎች ያሉ እጥረቶች ትኩረት ሊያገኙ ይገባል ብለዋል፡፡

የአዲስ አበባ ከተማ አስተዳደር የትምህርት ቢሮ በዚህ የትምህርት ዘመን በንፋስ ስልክ ላፍቶ፣

ቦሌና አቃቂ ቃሊቲ ክፍለ ከተሞች በሚገኙ በ8 ትምህርት ቤቶች በአፋን ኦሮሞ የመማር መስተማር ሂደት መቀጠሉን የትምህርት ቢሮው ምክትል ኃላፊ ዶ/ር ታከለ ከበደ ገልጸዋል፡፡

በንፋስ ስልክ ላፍቶ ክፍለ ከተማም 1 ትምህርት ቤት በቅርቡ በአፋን ኦሮሞ የማስተማር ስራ እንደሚጀምር ኃላፊው ገልጸዋል፡፡

የመማሪያ ክፍሎች እጥረትን ለመፍታት መንግስት ትኩረት ሰጥቶ እየሰራ መሆኑን የገለጹት ኃላፊው፤

ከመጻሕፍት እጥረት ጋር ተያይዞ ያለው ችግርን በተመለከተ እስከ መጀመሪያው ሴሚስተር መጨረሻ ድረስ መጻሕፍት ታትመው እንደሚከፋፈሉ ተናግረዋል፡፡

LEAVE A REPLY

Please enter your comment!
Please enter your name here