Home ዜና አሳዛኝ ዜና – በሲዳማ እና በምእራብ አርሲ ዞኖን አዋሳኝ አካባቢ በተከሰተ የመሬት...

አሳዛኝ ዜና – በሲዳማ እና በምእራብ አርሲ ዞኖን አዋሳኝ አካባቢ በተከሰተ የመሬት መንሸራተት አደጋ የ23 ሰዎች ህይወት አለፈ

1744
0

አደጋው የተከሰተው ግንቦት18/2010 ማምሻውን ለረጅም ሰዓት ከባድ ዝናብ በመጣሉ መሆኑ ተገልጿል።

ከሟቾቹ መካከል 16ቱ ሴቶች ሲሆኑ፥ በሌሎች ስድስት ሰዎች ላይም የአካል ጉዳት እንደደረሰና የህክምና እረዳታ እየተደረገላቸው መሆኑም ታውቋል።

በአደጋው በግምት ስድስት ሄክታር መሬት ላይ የመሬት መንሸራተቱ የተከሰተ ሲሆን፥ ከ30 በላይ የቤት እንስሳትም መሞታቸው ነው የተገለጸው።

የሲዳማ ዞን ባህል ቱሪዝም እና የመንግስት ኮሙዩኒኬሽን ጉዳዮች መምሪያ ሀላፊ አቶ ጀጎ አገኝሁ እንደተናገሩት የዞን አመራሮች አደጋዉ በተከሰተባቸዉ የጭሬ እና የናንስቦ ወረዳዎች የአደጋዉን ሁኔታ ለማየት እና ድጋፍ ለማድረግ ወደ ስፍራዉ አቅንተዋል::

በተመሳሳይም በጋሞ ጎፋ ዞን ዳራ ማሎ ወረዳ በጮዬ በጣለው ከፍተኛ ዝናብ ምክንያት በሰው ሕይወትና ንብረት ላይ ከፍተኛ ጉዳት ደርሷል ፡፡

ግንቦት 17 ቀን 2010 ዓ.ም በተጣለው ከፍተኛ ዝናብ ሴቶችና ሕፃናት ጨምሮ 9 የሰው ሕይወት መለፋንና በቁጥር 17 ሰዎች ላይ ቀላልና ከባድ የአካል ጉዳት ማድረሱን ለማወቅ ተችሏል፡፡

ለሟች ቤተሰቦች መፅናናትን እንመኛለን!!!

FBC

LEAVE A REPLY

Please enter your comment!
Please enter your name here