Home ማኅበራዊ ኢትዮጵያ “አትፈርስም” ባዮች – (ዘሩ-ባቤል)

ኢትዮጵያ “አትፈርስም” ባዮች – (ዘሩ-ባቤል)

2168
0
አንድ ወቅት ላይ ታዋቂው የፊልም አዘጋጅ ፕ/ር ሀይሌ ገሪማ እንዲህ ብሎ ነበር፡፡
“ኢትዮጵያ ባንተ አልተጀመረችም!! ባንተም አትፈርስም!!”

ይህንን የፕሮፌሰሩን ንግግር እንዳስታውስ ያደረገኝ ሰሞኑን የሰመኋት ሌላ ንግግር ነች፡፡ ንግግሯን ፌስቡከሩ ሁሉ ተቀባብሏታል፡፡ እንዲህ ትላለች፣

“ኢትዮጵያ ከአህያ ቆዳ የተሰራች ከበሮ ባለመሆኗ በጅብ ጩሀት የምትፈርስ አገር አይደለችም።” ከኦሮሚያ ም/ል ፕሬዝዳንት ዶ/ር አብይ አህመድ የተሰማች ናት፡፡

የሁለቱም ንግግር ደስ ይላል፡፡ የዘመናችንን መንፈስ ቁልጭ አድርገው ያሳያሉ፡፡ ታዲያ፣ ጭለማውን ብቻ ሳይሆን ተስፋውንም ነው የሚያሳዩን፡፡ ብዙዎቻችን፣ “አገራችን ትፈርስ ይሆን” የሚል ፍርሃት ውስጥ ነን፡፡ አንድ ወገን ባኮረፈ ቁጥር እንደ ገልቱ ባለትዳር የሚታው መፍትሄ መለያየት ብቻ ከሆነ ኑሯችን ሁሉ የሰቀቀን ይሆናል፡፡ እንዲህ ተስፋን የሚያለመልም ነገር መስማት ከፍርሃትና ሰቀቀን ያስወጣናል፡፡

ከሌላ ‹አትፈርስም ባይ› ሰው አንድ ንግግር ላክል፤

“ያስፈራል፤ ግን ኢትዮጵያ አትፈርስም! አፍራሾች ቀድመው ይፈርሳሉ! ከዚህ በፊት ቀድመው ፈራርሰዋል፤ ወደፊትም ይፈራርሳሉ።”

ተናጋሪው ፕ/ር መስፍን ወልደማርያም ነው፡፡ አንቱታ ለወሬ አይመችም ብዬ ነው ሁሉንም አንተ እያለኩ የምፅፈው፡፡ እና የፕሮፌሰሩ ንግግር አንድ የጠቆመኝ ነገር አለ፡፡ አገሬ ተመሳሳይ እጣ ለወደፊትም ሊገጥማት ይችላል… የትፈርሳለች አትፈርስም ክርክሩ መቀጠሉ አይቀርም፡፡ ዋናው ቁም ነገር ግን ማንም ተነስቶ በግል ጥቅሙ ሲነካበት ‹አገር ላፍርስ› ማለት ደረጃ ላይ ቢደርስ እንኳ ህዝብ ቆም ብሎ ማመዛዘን አለበት… ይሄም ያልፋል ማለት አለበት፡፡ የትፈርሳለች ባዩ ድንፋታ ከጎርፍ ጋር ይመሳሰላል፤ ትንሽ ሲቆይ ይጠፋል፡፡ በርግጥ ዋጋ ያስከፍላል፡፡ አገርና ህዝብ ግን እንደወንዝ ዘመናትን ይሻገራሉ፡፡

ሁለት ንግግሮችን ከሁለት ሰዎች ላክልና ልጠቅልል…

“ታሪኩን የማያከብር ትውልድ ታሪክ አይሰራም። እንዲሁ አመድ እንደጨበጠ ይሞታል” ። ፕሮፌሰር ሀይሌ ገሪማ

“ኢትዮጵያዊነት ሲሞቀን የምናወልቀዉ እና ሲበርደን የምንደርበዉ ልብስ ሳይሆን በደም ስር የተዋሃደ ህይወት ነዉ።” ዶ/ር አብይ አህመድ

ንግግሮቹ ምንም ማብራሪያ አያሻቸውም፡፡

ኢትዮጵያ ለዘላለም በሰላም ትኑር! – Z-Metaphors ጥበብ

 

LEAVE A REPLY

Please enter your comment!
Please enter your name here