የኢፌዲሪ ውጭ ጉዳይ ሚኒስትር ዶ/ር ወርቅነህ ገበየሁ ዝነኛውን የብራዚል እግር ኳስ ተጫዋች ሮናልዶ ዲ አሲስ ሞሬራን(ሮናልዲኒሆ ጎቾ) ዛሬ ከሰዓት በኋላ በጽ/ቤታቸው አነጋግረዋል።

ዶ/ር ወርቅነህ ሮናልዲኒሆን ሲቀበሉ የሰው ልጅ መገኛ ወደ ሆነችዉ ኢትዮጵያ እንኳን ደህና መጣህ ብለዋል።

የስፖርት ዲፕሎማሲው የዘመናዊ ዲፕሎማሲ አካል መሆኑን የገለጹት ሚኒስትሩ ስፖርት ዘር እና ሀይማኖትን ሳይለይ ለሰዎች አንድነት ትልቅ አስተዋጽኦ ያበረክታል ብለዋል።

የአርሰናል ክለብ ደጋፊ የሆኑት ዶ/ር ወርቅነህ የሮናልዲኒሆ የግል አድናቂ መሆናቸውንም ተናግረዋል።

ኢትዮጵያ የጠንካራ አትሌቶች አገር የመሆኗን ያህል ብራዚልም የእግር ኳስ ታዋቂ ተጫዋቾች አገር ናት ብለዋል።

ዶ/ር ወርቅነህ እንደገለፁት ሮናልዲኒሆን ያበቀለችሁ ብራዚል እና ኢትዮጵያ ብዙ ተመሳሳይነት አላቸው።

ኢትዮጵያ እንደ አበበ ቢቂላ ፣ ማሞ ወልዴ፣ ምሩፅ ይፍጠር፣ ሀይሌ ገብረስለሴ፣ ቀነኒሳ በቀለ ፣ ደራርቱ ቱሉ፣ የዲባባ ቤተሰቦች እና ሌሎች ታዋቂ አትሌቶችን ያፈራች አገር ስትሆን

በተመሳሳይም ብራዚል የእና ፔሌ፣ስቆራትስ ፣ዱንጋ ፣ቤቤቶ፣ሮማሪዮ ሮናልዶ ፣ኔማር የመሰሉ የዓለም አቀፍ የእግር ኳስ ልጆች እናት ናት ከእነርሱ አንዱ ጎቾ ነው።

ሮናልዲኒሆ በበኩሉ ወደ ኢትዮጵያ ሲመጣ ለመጀመሪያ ጊዜ መሆኑን ጠቅሶ ስለ አገሪቷ የበለጠ ለማወቅ እንደሚፈልግ ተናግሯል።

ኢትዮጵያውያን ተጫዋቾች በዓለም አቀፍ መድረክ እንዲታዩ ጠንክረው መስራት አለባቸው ብሏል።

የኢፌዲሪ ውጭ ጉዳይ ሚኒስትር ዶ/ር ወርቅነህ ገበየሁ ያልጠበቀው ፈታኝ ጥያቄ ጠየቁት፣ ከኢትዮጵያ አትሌቶች ጋር ሩጫን መወዳዳር፤ መፎካከር ትችላለህ ወይ

ዝነኛውን የብራዚል እግር ኳስ ተጫዋች ሮናልዶ ዲ አሲስ ሞሬራን(ሮናልዲኒሆ ጎቾ) የዘወትር ሳቁ ሳይለየው በአክብሮት መለሰ …

– ‹‹እናንተ፤ ኢትዮጵያውያን አትቻሉም! … አልችላችሁም!… ዓለም እናንተን ማሸነፍ አልቻለም፡፡ እኔ አልሞክራችሁም፡፡ ለኢትዮጵውያን አትሌቶች ትልቅ ክብር እና አድናቆት አለኝ›› ብሏል፡፡

በመጨረሻም ዶ/ር ወርቅነህ ገበየሁ የሸማ፤ የጃኖ ዲፕሎማሲ ሰርተዋል

LEAVE A REPLY

Please enter your comment!
Please enter your name here