ከክብር ዶክተር ሼክ ሙሐመድ ሁሴን ዓሊ አል-አሙዲ ጋር በማንኛውም ሁኔታ ውስጥ ቢገኙ፤ ከጎናቸው እንቆማለን!!

ከዶክተር ሼክ ሙሐመድ አል-አሙዲ ጎን የምንቆመው በሁለት መሰረታዊ ምክንያቶች ነው፡፡

አንደኛው፣ ለእናት ሀገራቸው የማይናወጥ ፍቅር ስላላቸው ነው፡፡

ሁለተኛው፣ ከኢትዮጵያ ብሔራዊ ጥቅም ጋር ትርጉም ያለው ግንኙነት ስላላቸው ነው፡፡

ዶክተር ሼክ ሙሐመድ ሁሴን ዓሊ አል-አሙዲ ከአስርት ዓመታት በፊት ኢትዮጵያ ለእሳቸው ምን እንደሆነች እና ኢትዮጵያ ውስጥ ኢንቨስት ማድረግ ለምን እንደፈለጉ የተናገሩትን ማስቀመጥ ተገቢነቱ አሁን ላይ ምትክ አልባ ነው፡፡ እንዲህም ነበር ያሉት፣

“Ethiopia means so much to me that even my friends wonder about my investment decision in the country. When I intent in Ethiopia, my decision to invest are based on what I feel in my heart for my motherland.

All my other investment decisions in the rest of the world are based on calculated risks and benefits.

…Ethiopia is our soul and the essence of our existence. We should not expect others to transform our motherland into a developed and a prosperous country.

It is our national duty and solemn responsibility, to fully commit ourselves to develop Ethiopia and free our countrymen from shackles of abject poverty and under-development.”

(ኢትዮጵያ ማለት ብዙ ነገሬነች፡፡ ጓደኞች በኢትዮጵያ ኢንቨስት ለማድረግ መወሰኔ ይገርማቸዋል፡፡

በኢትዮጵያ ውስጥ ኢንቨስት ማድረግ ስፈልግ የውሳኔ መሰረቴ በልቤ ውስጥ ስለእናት ሀገሬ የሚሰማኝ ስሜት ነው፡፡

በተቀረው ዓለም የእኔ የኢንቨስትመት ውሳኔ መሰረት የሚያደርገው በተሰላ ኪሳራና ትርፍ ነው፡፡

ኢትዮጵያ የእኛ እስትንፋስ እና የመኖራችን መሰረት ናት፡፡

እናት ሀገራችንን ከውጭ የሚመጡ ሃይሎች የኢኮኖሚ ሽግግር እንዲያመጡና ወደ ብልፅግና ጓዳና እንዲያደርሷት መጠበቅ የለብንም፡፡

ይህንን ማድረግ የእኛ ብሔራዊ ግዴታና ሃላፊነት ነው፡፡

የሃገራችን እድገት ለማምጣት ቁርጠኛ በመሆን ሕዝባችን ተጠፍሮ ካያዘው ድህነት እና ከኋላ ቀርነት ነፃ ማውጣት አለብን፡፡)

የክብር ዶክተር ሼክ ሙሐመድ ሁሴን ዓሊ አል-አሙዲ ከላይ በአደባባይ ለሕዝብ የተናገሩትን ቃላቸውን ወደ ተግባር በመቀየር ከመንግስት ቀጥሎ ሁለተኛው ቀጣሪ እና የኢኮኖሚ ባለቤት ለመሆን የበቁ የልማታቸን አለኝታ ናቸው፡፡

በ2009 ዓ.ም. በሚሊኒየም አዳራሽ የሚድሮክ ኢትዮጵያ ዓመታዊ በዓል ሲከበር ሼክ ዓሊ አል-አሙዲ በራሳቸው አንደበት ይፋ እንዳደሩጉት፣ ከ110 ሺ በላይ ለሚሆኑ ኢትዮጵያዊያን የሥራ እድል መፍጠር ችለዋል፤ ፈጥረዋል፡፡፡

እንዲሁም በእጅ በሚገኙ ማጣቀሻዎች፣ በሼኩ ባለቤትነት እና የቅርብ ክትትል የሚተዳደሩ ከ77 በላይ ኩባንያዎች በሀገር ውስጥ በሥራ ላይ ናቸው፡፡

(ዝርዝራቸውን ይመልከቱ)

ዶክተር ሼክ ሙሐመድ ሁሴን ዓሊ አል-አሙዲ ኢትዮጵያ ካፈራቻቸው ምርጥ የቁርጥ ቀን ልጆች አንዱ ተጠቃሽ ናቸው፡፡

ሁሉንም የዶክተሩን ኢኮኖሚያዊ እና ሰብዓዊ ድጋፎችን መዘርዘር ጊዜ የሚፈልግ ቢሆንም ሁለት የማይታለፉ አሻራቸውን ማስቀመጥ ግን ተገቢነቱ ከፍ ያለ ነው፡፡

አንደኛው፣ የኢትዮጵያ የፖለቲካ እና የኢኮኖሚ ቁመና በ80ዎቹ አስተማማኝ ባልነበረበት ታሪካዊ ወቅት፣ የመጀመሪያው ግንባር ቀደም ኢንቨስተር በመሆን በሀገራቸው እና በሕዝባቸው ላይ ያላቸውን ጠንካራ እምነት ለዓለም ዓቀፉ ሕብረተሰብ አሳይተዋል፡፡

የእሳቸውን ፈለግ በመከተል በርካታ ዓለም ዓቀፉ ኢንቨስተሮች በሀገራችን እድገት ላይ ተሳታፊ ለመሆንም በቅተዋል፡፡

ሁለተኛው፣ ለታላቁ የኢትዮጵያ ሕዳሴ ግድብ ኃይል ማመንጫ የአንድ ነጥብ አምስት ቢሊዮን ብር ቦንድ ግዢ መፈጸማቸው ዳግም ለሀገራቸው እና ለሕዝባቸው ያላቸውን ታማኝነት ያረጋገጡበት ታሪካዊ ወቅት ነበር፡፡

በተለይ ይህ እርምጃቸው ከእሳቸው ዓለም ዓቀፍ የኢንቨስትመንት ተደራሽነት አንፃር ብዙ ዋጋ ሊያስከፍላቸው የሚችል ቢሆንም ዳግም ለሀገራቸው እና ለሕዝባቸው ያላቸውን ታማኝነት ያሳዩበት ተግባራቸው ነው፡፡

ለዚህም ነው ከዶክተር ሼክ ሙሐመድ ሁሴን ዓሊ አል-አሙዲ ጋር በማንኛውም ሁኔታ ውስጥ ቢገኙ ከጎናቸው እንቆማለን የምንለው በግልብ ወይም በማይቆጠሩ እውነታዎች ላይ ቆመን አይደለም፡፡

ሼኩ፤ በችግራችን እና በእድገታችን ጉዞ ወቅት ያልተለኙን፣ ታምነው የተገኙልን፣ በመካከለኛው ምስራቅ ከሚነፍሰው ነፋስ ጋር አብረው የማይነፍሱ እና የብሔራዊ ጥቅማችን ደጀን ናቸው፡፡

የዶክተር ሼክ ሙሐመድ ሁሴን ዓሊ አል-አሙዲ ጉዳይ ለእኛ የአንድ ግለሰብ ጉዳይ ሳይሆን፤ የብሔራዊ ጥቅማችን ጉዳይ ነው፡፡ ስለዚህም፣ በማንኛውም ሁኔታ ውስጥ ሼኩ ቢገኙ፤ ከጎናቸው እንቆማለን!!

 source : news.et

LEAVE A REPLY

Please enter your comment!
Please enter your name here