Senedu Haile

የአንጋፋው ጋዜጠኛ ሳሙኤል ፈረንጅ መታሰቢያ ዝግጅት ላይ ታድሜ ነበር። አቶ ሳሙኤል ፈረንጅን ብዙዎቻችን የምናውቃቸው በጋዜጠኝነታቸው ነው።

የሚገርመው እኚህ ታላቅ ባለሙያና የቀድሞው የኢትዮጵያ ቴሌቪዥን ዋና ዳይሬክተር፡ ሰዓሊ፣ደራሲ፣ ተዋናይ ፣ የኢትዮጵያውያን መብት ተሟጋች፣ ገጣሚ፣ የባህል አምባሳደር፡…ዘርፈ ብዙ ባለሙያ እንደነበሩ በድምጽ፣በምስልና በተለያዩ መረጃዎች ተደግፎ የቀረበው ዝግጅት እስደንቆኛል።

እንደነዚህ ያሉ ታላላቅ ሙያተኞችን እየሸኘን ነው። ብዙ ልንማርባቸው ሲገባ በተለያዩ ምክንያቶች ዕድሎቹን ሳንጠቀምባቸው መቅረታችንም ያስቆጫል።

የአጼ ኃይለሥላሴን ከስልጣን መውረድና ጊዜያዊ ወታደራዊ አስተዳደር ደርግ ሥልጣን መያዙን የሚገልጸውን አዋጅ ተገደው እንዲያነቡ ከመደረጋቸው ጋር ተያይዞ የደረሰባቸውን የህሊና ጉዳት ብቻ ሳይሆን አዋጁን ሲያነቡ የተቀረጸው ድምጽ ለሰማ የድምጻቸውን አስገራሚነት እዋህዶ የሚሰማው ስሜት ልዩ ነው።

እንዲህ ዓይነት ሰዎች የሚቆጩን ስናጣቸው ነውና ዛሬም ከቀሩት እንማር !

የአቶ ሳሙኤልን ነፍስንም ጌታ ይማር!

LEAVE A REPLY

Please enter your comment!
Please enter your name here