“ዶ/ር አርከበ ዑቁባይ በተመደበበትና በተሰጠው ስራ ሰርቶ ማሳየት የቻለ፣ በሚሰራቸው ስራዎች ብቃቱን ማስመስከር ብቻ ሳይሆን ከፖለቲካ አሻጥርና አጭባርባሪነት ነፃ በመሆን ለሌሎች አርአያ የሆነ ስለሆነ ምስጋና ይገባዋል፡፡”
ጠቅላይ ምንስትር ዶ/ር ዐብይ አህመድ

ኢሳቶች እንዲገደል ትእዛዝ የቆረጡበት እንቁ የኢትዮጵያ ጀግና ዶ/ር አርከበ ዕቁባይ በጠ/ሚ ዶ/ር አብይ አህመድ አንደበት እንዲህ ይገለፃል !!

Posted by Teshome Kassaye on Monday, October 8, 2018

 ባለሃብቶች በኢንዱስትሪ ፓርኮች ግንባታ ላይ ተሳትፏቸውን እንዲያጎለብቱ ጠቅላይ ሚኒስትር ዶክተር አብይ አህመድ ጥሪ አቀረቡ።

በኦሮሚያ ብሄራዊ ክልል አዳማ ከተማ በ140 ሚሊየን ዶላር ወጪ የተገነባው የአዳማ ኢንዱስትሪ ፓርክ የመጀመሪያ ምዕራፍ  ተመርቋል።

በዚህ ወቅት ባደረጉት ንግግር የሃገሪቱን ሁለንተናዊ እድገት ለማረጋገጥ ልማትን ማፋጠንና ኢንዱስትሪ ፓርኮችን ማስፋፋት አስፈላጊ መሆኑን ገልጸዋል።

ጠቅላይ ሚኒስትሩ ከውጭ ባለሃብቶች ባሻገር የሃገር ውስጥ ባለሃብቶችም በዘርፉ ተሳትፏቸውን ማሳደግ እንዳለባቸው ጠቅሰው፥ መንግስትም አስፈላጊውን ድጋፍ እንደሚያደርግ ተናግረዋል።

ኢትዮጵያን በአፍሪካ የማምረቻው ዘርፍ ማዕከል ለማድረግ የተያዘው እቅድ እንዲሳካም ከፍተኛ የትምህርት ተቋማት፣ መንግስታዊ ተቋማትና ህዝቡ ርብርብ ማድረግ ይገባዋል ብለዋል።

ለአዳማ ኢንዱስትሪ ፓርክ ግንባታ መሬታቸውን የለቀቁ አርሶ አደሮችና የአካባቢው ነዋሪዎች የልማት ተጠቃሚነታቸው እንደሚረጋገጥም ጠቅላይ ሚኒስትሩ አረጋግጠዋል።

በኢንዱስትሪ ፓርኩ መሰማራት ለሚፈልጉና በተለያዩ የዓለም ክፍሎች ለሚኖሩ ኢትዮጵያውያንና ትውልደ ኢትዮጵያውያንም መንግስት ልዩ ድጋፍ ያደርጋል ነው ያሉት ጠቅላይ ሚኒስትሩ።

የኢንዱስትሪ ፓርኮች ግንባታ መስፋፋት ለሃገር ኢኮኖሚ መበልጸግና ለማህበራዊ እድገት የሚያበረክተው አስተዋጽኦ ከፍተኛ ነው ብለዋል።

 

በሃገሪቱ የሚገነቡት የኢንዱስትሪ ፓርኮች በተለይ ለወጣቶች የስራ እድል ከመፍጠራቸው ባሻገር የቴክኖሎጂ ሽግግር እንደሚያደርጉም ነው ጠቅላይ ሚኒስትሩ የተናገሩት።

ወጣቶችም ከአሁን በኋላ ሙሉ ትኩረታቸውን ወደ ልማት እንዲያዞሩም ጥሪ አቅርበዋል።

በመልዕክታቸው አሁን በሙሉ ልብ የምንታገለው ድህነትን ማሸነፍ መሆን አለበት ሲሉም አሳስበዋል።

በኢትዮጵያ ድህነትን ለመታገልና የተጀመረውን የዴሞክራሲ ስርዓት ግንባታ መሰረት ለማስያዝ ህጎችና አሰራሮችን በተገቢው መንገድ ማጠናከር እንደሚገባም አውስተዋል።

የአዳማ ኢንዱስትሪያል ፓርክ ከሃዋሳ ኢንዱስትሪ ፓርክና ቀደም ብለው ከተገነቡት የኢንዱስትሪ ፓርኮች ልምድ በመውሰድ የተሰራ ነው ያሉት ደግሞ፥ የኢንዱስትሪ ፓርኮች ልማት ኮርፖሬሽን የቦርድ ሰብሳቢ ዶክተር አርከበ ዕቁባይ ናቸው።

ፓርኩ ትላልቅ ዓለም አቀፍ ኩባንያዎች የሚስተናገዱበት ፓርክ ነው ያሉት ዶክተር አርከበ፥ ከአፍሪካ ትላልቅ የኢንዱስትሪ ፓርኮች አንዱ መሆኑንም አውስተዋል።

አሁን ላይ በኢንዱስትሪ ፓርኮች የሚስተዋለውን የሃይል አቅርቦት እጥረት ለመፍታትም በትኩረት መሰራት እንዳለበት አጽንኦት ሰጥተዋል።

የአረርቲ፣ አይሻ፣ ሰመራ፣ አሶሳ፣ በኢትዮጵያ አየር መንገድ የሚገነባው የዩሮ ስፔስ ማኑፋክቸሪንግና የሁናን አዳማ የማሽን አምራች ኡንዱስትሪ ፓርኮች ግንባታ በዚህ ዓመት የሚጀመር መሆኑንም ገልጸዋል።

የኦሮሚያ ክልል ፕሬዚዳንት አቶ ለማ መገርሳ በበኩላቸው የኢንዱስትሪ ልማት የሃገሪቱን ገጽታ የሚቀይርና ግብርናን በማዘመን ኢንዱስትሪው መሪነቱን እንዲይዝ ከፍተኛ አስተዋጽኦ ያለው ነው ብለዋል።

ከዚህ አንጻርም መንግስት ለኢንዱስትሪ ልማት ትኩረት በመስጠት በርካታ ስራዎች እየሰራ መሆኑንም አንስተዋል።

ፓርኩ ከውጭ ሃገር የሚገቡ ምርቶችን በሃገር ውስጥ ማምረት የሚያስችልና የአርሶ አደሩን ገቢ የሚያሻሽል መሆኑንም በንግግራቸው ጠቅሰዋል።

አቶ ለማ በንግግራቸው ፓርኩ የቴክኖሎጂ ሽግግር የጥናትና ምርምር ማዕከል እንደሚሆን ጠቅሰው፥ ወጣቶችም በአነስተኛና ጥቃቅን በመደራጀት ለፓርኩ ግብዓት እንዲያቀርቡ ሁኔታዎች እንደሚመቻቹም ጠቁመዋል።

የክልሉ መንግስትም ለአዳማ ኢንዱስትሪ ፓርክ የሚያደርገውን ድጋፍ አጠናክሮ ይቀጥላልም ነው ያሉት።

ግንባታው በ2009 ዓመተ ምህረት የአዳማ ኢንዱስትሪያል ፓርክ በ102 ሄክታር መሬት ላይ ያረፈ ሲሆን፥ ለግንባታውም ከ4 ነጥብ 1 ቢሊየን ብር በላይ ወጪ ተደርጎበታል።

ፓርኩ በተለያየ ዘርፍ ለሚሰማሩ ኩባንያዎች የሚያገለግሉ 19 የመስሪያ ሼዶችን የያዘ ነው።

ከእነዚሀ ሼዶች ውስጥም ስድስቱ በ11 ሺህ ካሬ ሜትር፣ ዘጠኙ በ5 ሺህ 500 ካሬ ሜትር፣ አራቱ ደግሞ በ3 ሺህ ካሬ ሜትር ቦታ ላይ ያረፉ ናቸው።

የኢንዱስትሪ ፓርኩን ከጠቅላይ ሚኒስትር ዶክተር አብይ አህመድ ጋር የኦሮሚያ ክልል ርዕሰ መስተዳድር አቶ ለማ መገርሳና እና ሌሎች የክልል ርዕሳነ መስተዳድራን፣ ከፍተኛ የፌደራልና የክልል ባለስልጣናት እንዲሁም የአካባቢው ነዋሪዎች ተገኝተዋል።

ፓርኩ በተሟላ ሁኔታ የማምረት ደረጃ ላይ ሲደርስ ከ1 ቢሊየን የአሜሪካን ዶላር በላይ ሀገሪቱ ከወጪ ንግድ እንድታገኝ የሚያስል ሲሆን፥ ከ60ሺህ በላይ ለሚሆኑ ዜጎች ደግሞ የሥራ ዕድል ይፈጥራል ተብሎ ይጠበቃል።

ጃንሱ-ሰን ሻይን በ80 ሄክታር እንዲሁም ኪንግደም በ30 ሄክታር ላይ የሚያርፉ የጨርቃ-ጨርቅና አልባሳት ፋብሪካዎች ናቸው።

ኢትዮጵያ በ2012 በድምሩ 30 ኢንዱስትሪ ፓርኮች ይኖሯታል ተብሎ ይጠበቃል።

የኦሮሚያ ክልል ፕሬዝዳንት አቶ ለማ መገርሳ በአዳማ ኢንዱስትሪ ፓርክ ምረቃ ስነስርዓት ላይ ካደረጉት ንግግር አንኳር ነጥቦች፡-

• የኢንዱስትሪ ልማት የአገራችንን ጎስቋላ ገፅታ የሚለውጥ ነው፡፡

• ግብርና እንዲዘምንና በሂደትም ለኢንዱስትሪ መሪነቱን እንዲለቅ ከፍተኛ አስተዋፅዖ አለው፡፡

• መንግስት ለኢንዱስትሪ ልማት ትኩረት ሰጥቷል፡፡

• በዘርፉ ተጨባጭና ፍሬያማ ስራዎች እየተሰሩ ነው፡፡

• የተመቻቸ የኢንዱስትሪ ፓርክ ባለሀብቶች በአጭር ጊዜ ስራ እንዲጀምሩ ያስችላል፡፡

• የአዳማ ኢንዱስትሪ ፓርክ ፋና ወጊ ከሆኑት መካከል ነው፡፡

• በጨርቃጨርቅና አልባሳት ስፔሺያላይዝ ያደረገ ፓርክ ነው፡፡

• ለባቡር፣ አየር፣ የብስ ትራንስፖርት ቅርበት ያለው ከተማ ነው አዳማ፡፡

• ከውጭ የሚመጡ ምርቶችን በአገር ውስጥ ለማምረት የሚያስችል፣ የአርሶ አደሩን ገቢም የሚያሻሽል ፓርክ ነው፡፡

• በሙሉ አቅሙ መንቀሳቀስ ሲጀምር ለበርካታ ዜጎች የስራ ዕድል ይፈጥራል፡፡

• የቴክኖሎጂ ሽግግር የጥናትና ምርምር ማዕከል ይሆናል ፓርኩ፡፡

• የላቀ የብቃት ማዕከል እንዲሆን እንሰራለን፡፡

• ወጣቶች በአነስተኛና ጥቃቅን ተቋማት ተደራጅተው ለኢንዱስትሪ ፓርኩ ግብዓት እንዲያቀርቡ ይመቻችላቸዋል፡፡

• የክልሉ መንግስት ለአዳማ ኢንዱስትሪ ፓርክ የሚያደርገውን ድጋፍ አጠናክሮ ይቀጥላል፡፡

የጠቅላይ ሚኒስትር ዶክተር ዐቢይ አህመድ በአዳማ ኢንዱስትሪ ፓርክ ምረቃ ስነስርዓት ላይ ካደረጉት ንግግር አንኳር ነጥቦች፡-

• ከእንግዲህ ትኩረታችን ወጣቱን የስራ ባለቤት ማድረግ ነው፡፡

• ፊታችንን ወደ ስራ ለማዞር የማብሰሪያው ዕለት ዛሬ ነው ፡፡

• የልማት እንቅስቃሴ እንዲስፋፋ ማድረግ የመንግስት ዋነኛው ስራ ነው፡፡

• የኢንዱስትሪ ልማት ሲስፋፋ ቦታው ለትራንስፖርት ምቹ መሆኑ ይታያል፤ አዳማን የሚያህል ምቹ ስፍራ የለም፤ የባቡር መስመር፣ ፈጣን መንገድ፣ ወደፊት ከአዳማ በቅርብ ርቀት የሚሰራው ትልቁ የአየር ማረፊያ ከተማዋን ተመራጭ ያደርጓታል፡፡

• የአዳማ ወጣትና ነዋሪ ላለፉት ጊዜያት በተካሄደው ትግል ካለአንዳች ጥፋት ተቃውሞውን በሰላማዊ መንገድ ሲገልፅ የቆየ ነው፡፡

• የባለሀብቶች ዋነኛው ጥያቄ መንገድ አለ ወይ ሳይሆን ሰላም አለ ወይ በመሆኑ ሰላማችሁን መጠበቃችሁን አትዘንጉ፡፡

• በተለመደው መንገድ በኦሮሞ ባህል ባለሀብቱን የመሳብ የማቀፍ ስራችሁን ቀጥሉ፡፡

• ከወራት ትግል በኋላ ወጣቱ አሁን ፊቱን በሙሉ ልብ ወደ ስራ ወደ ልማት ወደ ዕድገት ማዞር ይኖርበታል፡፡

• ዶ/ር አርከበ ዑቁባይ በተመደበበትና በተሰጠው ስራ ሰርቶ ማሳየት የቻለ፣ በሚሰራቸው ስራዎች ብቃቱን ማስመስከር ብቻ ሳይሆን ከፖለቲካ አሻጥርና አጭባርባሪነት ነፃ በመሆን ለሌሎች አርአያ የሆነ ስለሆነ ምስጋና ይገባዋል፡፡

• ቀበቶአችሁን አጥብቃችሁ ለሚጠብቀን ቀጣይ ስራ ተዘጋጁ፡፡

• ኢንጅነር መሰለ ኃይሌ በታላቅ ጥረት ውጤት እንድናመጣ እያገዘን ያለ በመሆኑ ታላቅ ምስጋና ይገባዋል፡፡

• አዳማ የሰላም የፍቅር አብሮ የመኖር አብነት በመሆኑ ባለሀብቶች ወደ አዳማ ኢንዱስትሪ ፓርክ ፊታችሁን እንድታዞሩ እመክራችኋለሁ፡፡

• ዳያስፖራ ኢትዮጵያውያንም በተመሳሳይ ተግባራት ላይ ብትሰማሩ መንግስት ከፍተኛ እገዛ ያደርግላችኋል፡፡

• የኢትዮጵያ እውነተኛ የተሃድሶ ጊዜ በርግጥም ከፊታችን እየመጣ ነው፡፡

የኢፌዲሪ ጠቅላይ ሚኒስትር ክቡር ዶ/ር አብይ አህመድ

ዛሬ ለምረቃ በበቃው የአዳማ ኢንዱስትሪ ፓርክ በክብር እንግድነት ተገኝተው ፓርኩን የመረቁት የኢፌዲሪ ጠቅላይ ሚኒስትር ክቡር ዶ/ር አብይ አህመድ ካደረጉት ንግግር የተወሰደ

Posted by Federal Government Communication Affairs Office of Ethiopia on Sunday, October 7, 2018

LEAVE A REPLY

Please enter your comment!
Please enter your name here