በመቐለ እየተካሄደ ባለው 13ኛው የህወሓት ድርጅታዊ ጉባኤ ላይ የድርጅቱ ሊቀመንበር ዶ/ር ደብረፅዮን ገ/ሚካኤል በጉባኤው መክፈቻ ላይ ያስተላለፏቸው ዋና ዋና ሀሳቦች ፡-

• በመልካም አስተዳደር እየተሰቃየ ያለው ህዝባችን መፍትሄ እንዲያገኝ ህወሓት አበክሮ ይሰራል፡፡

• የክልሉን ህዝብ ከድህነት ለማውጣት ትግላችንን አጠናክረን እንቀጥላለን፡፡

• በውጭ እና በአገር ውስጥ ህገ መንግስቱንና መንግስትን ለመናድ ከፍተኛ ጥረት እየተደረገ ያለውን ሙከራ እናወግዛለን፡፡

• የዜጎቻችን ህገመንግስታዊ መብት እየተጣሰ መጥቷል ፣ብሄርን ከብሄርን የሚያጋጩ ኃይሎችን ልንመክታቸው ይገባል፡፡

• ይህን ጉዳይ በአግባቡ ካልያዝነው አገራችን ችግር ውስጥ ትገባለች፡፡

• የህዝቦችን የእርስ በርስ ግንኙነት ለማጠናከር የተጀመሩ ስራዎች ተጠናክረው ይቀጥላሉ፡፡

• የኢትዮጵያና ኤርትራ ህዝቦች ያለፈውን የችግር ግዜ ማካካስ የሚያስችሉ ስራዎች ይሰራሉ፡፡

• ይህ ጉባኤ የህዝባችን ህዳሴ ማረጋገጫ በመሆኑ ጉዟችንን የተለየ ያደርገዋል፡፡ከዚህ ጉባኤ በርካታ ውሳኔዎችን እናስተላልፋለን፡፡

• አዳዲስ አመራሮች ቦታውን የሚይዙበት መድረክ ይሆናል፡፡

• ለእኛና አገራችን የሚጠቅም ውሳኔ እንደሚተላልፍ ተስፋ አደርጋለሁ፡፡

• በክልላችን አዲስ የለውጥ ምዕራፉን ደግፋችሁ ለውሳኔዎቹ ንቁ ተታፊ እንደምትሆኑ ተስፋ አደርጋሁ፡፡

• የትግራይ ህዝብ በርካታ ችግሮችን አልፈህ እዚህ እንደደረስከው ሁሉ አሁንም ከህወሓት ጎን እንድትቆም እንጠይቃን፡፡

• አገራችን አሁንም አደጋ ላይ ስላለች የምታደርጉትን ትግል አጠናክራችሁ ቀጥሉ፡፡

• ባለፉት አመታት ሁሉም የአገሪቱ ህዝብ ፍትሃዊ ተጠቃሚ እንዲሆን በርካታ ስራዎችን ሰርተናል፡አሁን ላይ በአንፃሩ ያለው ጥሩ ያልሆነ አዝማሚያ ፈር ሊይዝ ይገባል፡፡

• በአዲስ አበባና አካባቢዋ ለደረሰው የዜጎች ሞትና ጉዳት የተሰማንን ሀዘን እንገልፃለን፡፡

• በዚህ ጉባኤ በትግራይ የተጀመረውን ለውጥ የሚያጠናክሩ ውሳኔዎችን ህውሃት የሚያስተላልፍ ይሆናል፡፡

LEAVE A REPLY

Please enter your comment!
Please enter your name here